見到HKTVmall個400萬廣告，堅係有WOW effect! 娛樂性雖然比不上渣打上排個百萬富翁campaign，但作為潛在得獎者，真係覺得好吸引。你可能會話，鬼唔知咩，400萬梗係吸引過100萬啦！但我focus唔係喺個銀碼度，而係得獎者嘅資格，同埋筆獎金嘅使用方法。
職業病，平時比啲客問得多條款，見到啲抽獎宣傳第一時間就會睇條款！
先重溫一下100萬抽獎的得獎者資格：「參加者須為渣打全新客戶。 」咁現有客戶呢？Bye-bye!
而400萬抽獎的得獎者資格：「毋需購物」，即是新舊客都玩得，無偏心。
大家最關心嘅問題嚟喇，抽中咗啲錢點樣落袋先？
100萬抽獎的條款：「得獎者必須於成功開立「優先理財」後，維持其「優先理財」身分及港幣100萬元總結存(總結存包括得獎者以個人名義作為基本戶口持有人於本行持有的存款、投資、指定保險產品之累積保費)不少於12個月。」原來筆錢唔走得，要鎖足一年，最好比返生意佢做。
400萬抽獎就咁寫(節錄)：
「大獎“4百萬買樓基金”為港幣$4,000,000.00 買樓基金 (「基金」) 受以下條款及細則約束:
* 基金只支付一個香港住宅物業單位之全部或部份樓價。住宅物必須於推廣期後買入。
* 如樓價少於港幣$4,000,000.00，基金的餘額會被沒收。」
我就睇唔到呢400萬係要用返係HKTVmall度買嘢喇，睇嚟係真金白銀貼比得獎者買樓！雖然對無首期錢買樓嘅得獎者嚟講會陰公啲，如果買唔起400萬以上嘅樓，會被收返啲餘額。
但邊個宣傳真心大方啲？高下立見！
我仲未去睇過HKTVmall新開嘅實體店，但一直有幫港媽手，上佢網買嘢，真心好方便，自從上網訂屋企用品之後，終於唔洗幫手去supermarket搬啲勁重嘅飲料、米、油等等返屋企。買嘢又有mall dollar回贈，好似打咗9折咁。
雖則某啲貨品品牌無得賣，有時啲貨唔夠新鮮同漏單，我依然相信係不久嘅將來，HKTVmall會大大顛覆我哋係supermarket嘅傳統購物模式。
[呢篇並不是廣告，我無收王維基公司一分一毫，純粹是小妹對HKTVmall的觀感。仲有，我真的掙扎很久究竟應否出呢篇文，這些機會，大家懂的⋯⋯]
Search